Children Friendly Space

ဤပရိုဂရမ်သည် အိုင်တီစီကာတွင် ပညာသင်ယူခဲ့သော တပည့်များ၏ အသင်းအဖွဲ့ဆိုင်ရာဦးဆောင်နိုင်မှုနှင့် ခေါင်းဆောင်စွမ်းရည်၊ အသင်းအဖွဲ့နှင့်ဆောင်ရွက်နိုင်စွမ်းကို မှတ်ကျောက်တင်နိုင်ရန်နှင့် လက်တွေ့ဆောင်ရွက်ရန် Children Friendly Space ကို Own fund ဖြင့် ဆောင်ရွက်ခဲ့ခြင်းဖြစ်သည်။

သင်တန်းအပါတ်စဉ်အလိုက် ကျောင်းသားကျောင်းသူများသည် စစ်တွေမြို့တွင်ရှိသော ရခိုင်စစ်ဘေးရှောင်စခန်းများသို့ သွားရောက်ကာ ကလေးငယ်များအား ပန်းချီပြိုင်ပွဲပြုလုပ်ခြင်း၊ အင်္ဂလိပ်စာစွမ်းရည်နှင့် ပုံပြင်များ ပြောခြင်း၊ ပျော်ပွဲရွင်ပွဲ ဂိမ်းများကစားခြင်း၊ ကလေးငယ်များအား စာရေးကိရိယာများထောက်ပံ့ခြင်းများနှင့် တခြားလိုအပ်သော ထောက်ပံ့မှုများကို ဆောင်ရွက်ခဲ့သည်။

စားနက်ရိက္ခာထောက်ပံ့ခြင်း

ဤအစီအစဉ်သည် လုပ်ငန်း၏ own fund နှင့် သင်တန်းသားများ၏ ထည့်ဝင်မှုများဖြင့် စစ်တွေမြို့ပေါ်ရှိ ရခိုင် ဒုက္ခသည်စခန်းများကို ဆန်၊ ဆီး၊ ဆားအပါအဝင် လိုအပ်သော အသုံးအဆောင်ပစ္စည်းများကို အခါအားလျော်စွာ ထောက်ပံ့ပေးခဲ့သည်။

အခမဲ့ကွန်ပျူတာ သင်တန်းများဖွင့်လှစ်ခြင်း

ဒေသအတွင်းလူငယ်များအတွက် အိုင်တီဆိုင်ရာနည်းပညာများသင်ယူရာတွင် ငွေကြေးအခက်အခဲရှိသူများ အတွက် အခမဲ့ပညာဒါနအစီအစဉ်ကို အကောင်အထည်ဖော်ဆောင်ရွက်ခဲ့သည်။

ယခုသင်တန်းကို မိတ်ဖက်အဖွဲ့အစည်းများနှင့် ပူးပေါင်းဆောင်ရွက်ခဲ့သည်။

ပူးပေါင်းဆောင်ရွက်မှု

လူငယ်များအတွက် အလုပ်အကိုင်အခွင့်အလမ်းများရရှိရေးအတွက် လိုအပ်သော စွမ်းရည်များရှိစေရန် တခြားလူမှုအဖွဲ့အစည်းများနှင့် ပေါင်းစပ်ကာ အသက်မွေးဝမ်းကျောင်းဆိုင်ရာသင်တန်းများကို ပို့ချပေးခဲ့သည်။

ဒီဂျစ်တယ် တတ်မြောက်ခြင်းသင်တန်း

ဤသင်တန်းသည် လူငယ်များအတွက် အလုပ်အကိုင်၊ ပညာရေးနှင့် နေ့စဉ်အသုံးချမှုများတွင် လိုအပ်သော ဒစ်ဂျစ်တယ်နည်းပညာ အခြေခံကျွမ်းကျင်မှုများကို သင်ကြားပို့ချပေးခြင်းဖြစ်ပြီး အွန်လိုင်းပေါ်တွင် အချက်အလက်ရှာဖွေရန် နည်းပညာအသုံးချနိုင်စွမ်း၊ ကွန်ပျူတာနှင့် မိုဘိုင်း အခြေခံသုံးစွဲနိုင်စွမ်း၊ အွန်လိုင်းပေါ်တွင် လုံခြုံစွာ ဆက်သွယ်နိုင်စွမ်းတို့ကို တိုးတက်စေသည်။

ယခု ဘာသာရပ်သည် လူငယ်များအတွက် Impact များစွာ ရရှိခဲ့သလို အလုပ်အကိုင်အခွင့်အလမ်းအတွက်လည်း အကျိုးရှိသည်။

အသက်မွေးဝမ်းကျောင်းဆိုင်ရာသင်တန်းများ

ဤသင်တန်းသည် လူငယ်များအတွက် လိုအပ်သော အသက်မွေးဝမ်းကျောင်းကျွမ်းကျင်မှုများကို သင်ကြားပို့ချပေးရန် ရည်ရွယ်ထားပြီး ကိုယ်ပိုင်အသက်မွေးဝမ်းကျောင်းစတင်နိုင်စွမ်းနှင့် အလုပ်ဈေးကွက်တွင် တိုက်ရိုက်အသုံးချနိုင်စွမ်းတို့ကို တိုးတက်စေရန် အထူးအလေးပေးသင်ကြားပေးသည်။